نیویارک میں اقوام متحدہ کے دفتر کے باہر اسرائیل کے خلاف احتجاج کرنے والی آسکر ایوارڈ یافتہ امریکی اداکارہ سوسن سارینڈن کو گرفتار کرلیا گیا۔
غیرملکی میڈیا کے مطابق اداکارہ سوسن سارینڈن نے اسرائیلی وزیراعظم کے خلاف مظاہرہ کیا اور امریکا سے مطالبہ کیا کہ اسرائیل کی فوجی امداد بن کی جائے۔ پولیس نے اداکارہ سوسن سمیت 100 افراد کو اسرائیل کے خلاف مظاہرہ کرنے پر گرفتار کرلیا۔
رپورٹس کے مطابق اقوام متحدہ میں اسرائیلی وزیراعظم نتن یاہو کی تقریر کے دوران 400 سے زائد افراد نے اقوام متحدہ کے دفتر کے سامنے احتجاجی دھرنا دیا۔مظاہرین نے امریکا سے غزہ میں نسل کشی بند کروانے اور اسرائیل کی فوجی امداد فوری طور پر روکنے کا مطالبہ کیا۔ مظاہرے میں یہودیوں کے گروپ نے بھی شرکت کی۔