وزیراعلیٰ سندھ سید مراد علی شاہ نے میر رضا کیس کی تحقیقات کے لیے قائم جوڈیشل کمیشن کی مدت میں توسیع کی سمری کی منظوری دے دی۔
ذرائع محکمہ داخلہ کے مطابق وزیراعلیٰ سندھ نے کمیشن کی مدت میں توسیع کی سمری منظور کرلی ہے تاہم توسیع کی حتمی منظوری سندھ کابینہ کی توثیق کے بعد ہوگی۔
ذرائع کے مطابق سندھ کابینہ کی توثیق کے بعد آج یا کل کمیشن کی مدت میں توسیع کا نوٹیفکیشن جاری کیے جانے کا امکان ہے۔ کمیشن کی توسیع کا عمل جاری ہے اور اس دوران کمیشن اپنی کارروائی جاری رکھے گا۔
دوسری جانب رجسٹرار جوڈیشل کمیشن کے مطابق تاحال کمیشن کو مدت میں توسیع کا نوٹیفکیشن موصول نہیں ہوا۔رجسٹرار کے مطابق وزیراعلیٰ سندھ نے کمیشن کی مدت میں توسیع کی منظوری دے دی تاہم کابینہ سے جوڈیشل کمیشن کی مدت میں توسیع کی منظوری لی جائے گی۔ کمیشن کی کارروائی دو اکتوبر تک ملتوی کردی گئی۔
میر رضا کیس میں جوڈیشل کمیشن ایک ماہ کے لیے تشکیل دیا گیا تھا اور اس کی مدت 27 ستمبر کو ختم ہوچکی ہے۔ مدت میں توسیع کے لیے سندھ کابینہ اور وزیراعلیٰ سندھ کی منظوری ضروری ہے۔